சருமத்தை மேலும் அழகாக்கும் தக்காளி

Tomato-facial

தக்காளியை வைத்தும் சருமத்தின் அழகை அதிகரிக்கலாம்.

பழுத்த தக்காளியை பசை போல விதையுடன் சேர்த்து அரைத்து முகத்தில் தடவி 20 முதல் 30 நிமிடங்கள் கழித்து கழுவ வேண்டும். நாள் ஒன்றுக்கு இரண்டு அல்லது மூன்று முறை செய்தால் சருமத்தில் உள்ள எண்ணெய் பசை கருமை நிறம் மறையும்.

தக்காளிச்சாறு மற்றும் வெள்ளரிச்சாற்றை சம அளவில் எடுத்து பஞ்சில் நனைத்து முகத்தில் தடவி காய்ந்தவுடன் கழுவ வேண்டும். தொடர்ந்து செய்து வந்தால் பருக்களால் ஏற்பட்ட தழும்புகள் மறையும்.

ஒரு டீஸ்பூன் தக்காளிச் சாற்றுடன் சில துளிகள் எலுமிச்சைச் சாறு கலந்து பஞ்சில் தோய்த்து முகத்தில் தடவ வேண்டும். 15 நிமிடங்கயின் பின்னர் குளிர்ந்த நீரால் முகத்தைக் கழுவ வேண்டும். வாரம் இருமுறை செய்து வந்தால், முகத்தில் உள்ள பெரிய துளைகள் சுருங்கி முகம் பொலிவு பெறும்.

நன்கு கனிந்த 2 தக்காளி, அரை கப் தயிர் இரண்டையும் ஒன்றாக அரைத்து முகம், கை, காலில் தினமும் பூசி, 15 நிமிடங்கள் கழித்து கழுவி வர, சூரிய ஒளியினால் ஏற்பட்ட கருமை மறையும்.

3 டீஸ்பூன் தக்காளிச் சாறு, 1 டீஸ்பூன் எலுமிச்சை சாறு, 2 டீஸ்பூன் மில்க் கிரீம் கலந்து முகம் மற்றும் கழுத்தில் மாஸ்க் போட்டால் முகம் பளிச்சிடும். வாரம் இருமுறை இதுபோன்று செய்து வர வேண்டும்.

1 டேபிள்ஸ்பூன் தக்காளிச் சாற்றுடன் 1 டேபிள்ஸ்பூன் தேன் கலந்து முகத்தில் பூசி 10 நிமிடங்கள் கழித்து குளிர்ந்த நீரில் கழுவி வர சருமத்தின் நிறம் மாறுவதை கண்கூடாகப் பார்க்கலாம்.

Sharing is caring!

This post has 0 comments

Leave a reply