Thursday , May 25 2017
விஷேட செய்திகள்
முகப்பு / செய்திகள் / இலங்கைச் செய்திகள் (page 10)

பதிவு வகை: இலங்கைச் செய்திகள்

Feed Subscription

குஹாகொட குப்பை மேட்டில் அச்சுறுத்தல் இல்லை

கண்டி, குஹாகொட பிரதேசத்தில் குப்பைகள் கொட்டப்பட்டுள்ள பிரதேசத்தில் அச்சுறுத்தலான நிலை இல்லை என்று மாகாண சபைகள் மற்றும் உள்ளூராட்சி அமைச்சர் பைசர் முஸ்தபா கூறினார். குஹாகொட பிரதேசத்தில் இந்தக் குப்பைகள் ஊடாக எதிர்காலத்தில் பிரச்சினைகள் ஏற்படாதவாறு முகாமை செய்வதற்கான நடவடிக்கைகள் மேற்கொள்ளப்பட்டுள்ளதாக அவர் கூறியுள்ளார். குப்பை பிரச்சினைக்கு முழுமையான தீர்வு வழங்குவதற்கு எதிர்காலத்தில் நடவடிக்கை எடுப்பதாக அமைச்சர் பைசர் முஸ்தபா மேலும் கூறினார். Read More »

ஆற்றில் மிதந்த குழந்தையின் சடலம் யாருடையது?

லிந்துலை பொலிஸ் பிரிவுக்குட்பட்ட ரட்ணகிரி தோட்ட பிரதேசத்தில் இருந்து மேல் கொத்மலை நீர்தேக்கத்திற்கு நீர் ஏந்தும் ஆற்றிலிருந்து இன்று காலை 11 மணியளவில் உடல் உருக்குழைந்த நிலையில் ஆண் சிசுவின் சடலம் ஒன்று லிந்துலை பொலிஸாரால் மீட்டகப்பட்டுள்ளது. சம்பவம் தொடர்பாக மேலும் தெரியவருவதாவது, இத்தோட்டத்தில் உள்ள சிலர் தொழிலுக்காக அப்பகுதிக்கு செல்லும் வேளையில் குறித்த ஆற்றில் சடலம் ஒன்று மிதப்பதை கண்டுள்ளனர். இதனையடுத்து லிந்துலை பொலிஸ் நிலையத்திற்கு வழங்கிய தகவலையடுத்து, சம்பவ இடத்திற்கு விரைந்த பொலிஸார் சடலத்தினை மீட்டுள்ளனர். சிசு யாருடையது என இதுவரை ... Read More »

புதிய சீர்திருத்தம் மக்களின் சுதந்திரத்தினைப் பாதிக்கும்: சுமந்திரன்

அரசாங்கம் பயங்கரவாத தடைச்சட்டத்திற்கு பதிலாக நடைமுறைப்படுத்தவுள்ள சட்ட சீர்திருத்தமானது மிகவும் அபாயகரமானது என தமிழ்த் தேசியக்கூட்டமைப்பின் பேச்சாளரும் நாடாளுமன்ற உறுப்பினருமான எம்.ஏ.சுமந்திரன் தெரிவித்துள்ளார். இது தொடர்பாக தமிழ்த்தேசியக் கூட்டமைப்பு வெளியிட்டுள்ள அறிக்கையிலேயே இதனைத் தெரிவித்துள்ளார். இது குறித்து அவர் மேலும் தெரிவிக்கையில், “தற்போது அமைச்சரவையில் முன்வைக்கப்பட்டுள்ள பயங்கரவாத திருத்த யோசனைகள் அரசாங்கத்தினால் மீள்பரிசீலனை செய்யப்படவேண்டும். இது தமிழ் மக்களிற்கு மிக மோசமான விளைவுகளைத் தரக்கூடிய சீர்திருத்தமாகும். தமிழ்த் தேசியக்கூட்டமைப்பு இதனை ஒருபோதும் ஏற்றுக்கொள்ளாது. இச்சீர்திருத்தச் சட்டத்தினை நாம் முற்றாக எதிர்ப்பதோடு இதனை அமுல்படுத்துவதற்கும் விட மாட்டோம். ... Read More »

கிழக்கு மாகாணப் பட்டதாரிகளின் போராட்டத்திற்கு கிடைத்த வெற்றி: நியமனங்கள் விரைவில்!

கிழக்கு மாகாணத்தின் பாடசாலைகளிலுள்ள ஆசிரியர் வெற்றிடங்களை நிரப்புவதற்கான அனுமதியை தேசிய முகாமைத்துவ திணைக்களம் வழங்கியுள்ளதாக கிழக்கு மாகாண முதலமைச்சர் தெரிவித்துள்ளார். இது தொடர்பாக அவர் இன்று (வியாழக்கிழமை) வெளியிட்டுள்ள அறிக்கையிலேயே இதனைத் தெரிவித்துள்ளார். இது குறித்து அவர் மேலும் தெரிவிக்கையில், “பட்டதாரிகளின் நீண்டகால போராட்டத்துக்கு வெற்றி கிடைத்துள்ளது. இதனடிப்படையில் கிழக்கு மாகாண பாடசாலைகளிலுள்ள 4784 வெற்றிடங்களுக்கான ஆசிரியர்கள் நியமிக்கப்படவுள்ளனர். பட்டதாரிகளுக்கு முன்னுரிமையளித்து வெற்றிடங்களுக்குரிய அனைத்து ஆளணிகளையும் உள்வாங்குவதற்கான நடவடிக்கைகள் முன்னெடுக்கப்பட்டுள்ளன. அத்துடன்  எமக்கு வழங்கப்பட்டுள்ள ஆவணங்களின் பிரகாரம் விரைவில் இந்த வெற்றிடங்கள் நிரப்பப்பட வேண்டும் என ... Read More »

மறிந்தவிற்கு உயிர் அச்சுறுத்தல்!- பாதுகாப்பு குறைக்கப்பட்டமைக்கு பொது எதிரணி கடும் எதிர்ப்பு

முன்னாள் ஜனாதிபதி மஹிந்த ராஜபக்ஷவிற்கு உயிர் அச்சுறுத்தல் காணப்படுவதாக சபாநாயகரிடம் சுட்டிக்காட்டி, அவருக்கு வழங்கப்பட்டிருந்த பொலிஸ் பாதுகாப்பு திடீரென குறைக்கப்பட்டதற்கு மஹிந்த ஆதரவு அணியினர் நாடாளுமன்றத்தில் கடும் எதிர்ப்பை வெளியிட்டுள்ளனர். சபாநாயகர் கரு ஜயசூரிய தலைமையில் நாடாளுமன்றம் நேற்று (வியாழக்கிழமை) கூடிய போதே இவ்வாறு எதிர்ப்பு கிளம்பியுள்ளது. இதன்போது, ஒழுங்குப் பிரச்சினையொன்றை எழுப்பிய நாடாளுமன்ற உறுப்பினர் தினேஷ் குணவர்தன, ‘முன்னாள் ஜனாதிபதி மஹிந்த ராஜபக்ஷவிற்கு உயிர் அச்சுறுத்தல் இருக்கும் நிலையில், மே தினம் முடிவடைந்த கையோடு திடீரென அவருக்கான பாதுகாப்புப் பிரிவிலுள்ள 45 பேர் ... Read More »

‘பல்கலைக்கழகம் என்ன சிறைக் கூடமா?’ – கிழக்கில் ஆர்ப்பாட்டம்

பல்வேறு கோரிக்கைகளை முன்வைத்து கிழக்குப் பல்கலைக்கழக வந்தாறுமூலை வளாக மாணவர்கள் ஆர்ப்பாட்டமொன்றை முன்னெடுத்தனர். பல்கலைக்கழக வளாகத்தில் இன்று (வியாழக்கிழமை) முற்பகல் இவ் ஆர்ப்பாட்டம் முன்னெடுக்கப்பட்டது. ஆர்ப்பாட்டத்தில் ஈடுபட்டிருந்தவர்கள், ”சீ.சீ.ரி.வி. கமராவை உடனே பல்கலைக்கழக கண்காணிப்பிலிருந்து அகற்று’, ‘பல்கலைக்கழகம் என்ன சிறைக் கூடமா?’, ‘பட்டப்படிப்பை சரியான நேரத்தில் நிறைவு செய்’, ‘முறையற்ற வகுப்புத் தடையை உடனே நீக்கு’, ‘மஹாபொல திட்டத்தை உரிய நேரத்தில் வழங்கு’, ‘மாணவர் ஒன்றியத்தை உடனடியாகப் பதிவு செய்’ போன்ற வாசகங்களை தாங்கிய பதாதைளை ஏந்தியிருந்ததோடு, கோஷங்களையும் எழுப்பினர். தமது விடுதிகளிலிருந்து பல்கலைக்கழக ... Read More »

சாரதியை கட்டிப் போட்டுவிட்டு 51 இலட்சம் பெறுமதியான வேன் கொள்ளை

கடுவலை, பெலும்மஹர வீதியில் வெலிவேரிய மயானத்தை அண்மித்த பகுதியில் மர்ம குழுவொன்றினால் சுமார் 51 இலட்சம் பெறுமதியதான வேன் ஒன்று கொள்ளையிட்டுச் செல்லப்பட்டுள்ளது. நேற்றிரவு குறித்த வேன் கடுவலையிலிருந்து பெலும்மஹர திசை நோக்கி சென்று கொண்டிருந்த போது, மோட்டார் சைக்கிளில் வந்த மர்ம குழுவொன்றினால் வழி மறிக்கப்பட்டு வேன் சாரதியின் இரு கரங்களை கட்டிவிட்டு வேனை கொள்ளையிட்டு சென்றுள்ளனர். பின்னர் வேனின் சாரதியை சப்புகஸ்கந்த பிரதேசத்தில் இறக்கிவிட்டு கொள்ளையர்கள் வேனை எடுத்துச் சென்றுள்ளதாக பொலிஸ் ஊடகப் பேச்சாளர் அலுவலகம் தெரிவித்துள்ளது. சாரதி, கம்பஹா, சியனே ... Read More »

மோடி கோரிக்கை விடுத்து ஒரு வாரமும் ஆகாத நிலையில் மீனவர்கள் மீது தாக்குதல்?

வேதாரண்யம் அருகே நடுக்கடலில் மீன் பிடித்துக் கொண்டிருந்த மீனவர்கள் மீது இலங்கை கடற்படையினர் நடத்திய தாக்குதலில் நால்வர் படுகாயமடைந்துள்ளதாக, இந்திய ஊடகச் செய்திகள் குறிப்பிடுகின்றன. நாகப்பட்டினம் மாவட்டம் வேதாரண்யம் பகுதியைச் சேர்ந்த மீனவர்கள் இந்திய எல்லைக்குட்பட்ட நடுக்கடலில் நேற்றிரவு மீன் பிடித்துக் கொண்டிருந்தனர். அப்போது, அங்கு வந்த இலங்கை கடற்படையினர் இந்திய மீனவர்களை கட்டையால் அடித்து தாக்கி விரட்டியுள்ளனர் என, தமிழக ஊடகமான மாலைமலர் தெரிவித்துள்ளது. இலங்கை கடற்படையினரின் இந்த தாக்குதலில் வேதாரண்யத்தைச் சேர்ந்த மீனவர்கள் செந்தில், குமாரசாமி, அமுதகுமார், கலைமணி ஆகிய நால்வர் ... Read More »

நவகமுவ துப்பாக்கிச் சூடு: மூவர் கைது

நவகமுவ – கொதலாவல சந்திப் பகுதியில் இருவர் துப்பாக்கிப் பிரயோகத்திற்கு இலக்காகி மரணித்த சம்பவம் தொடர்பில் மூவர் கைதுசெய்யப்பட்டுள்ளனர். பூகொடை – தேல்கொட மற்றும் கடுவலை ஆகிய பகுதிகளைச் சேர்ந்த மூவரே இவ்வாறு கைதுசெய்யப்பட்டுள்ளதாக, பொலிஸ் தலைமையகம் குறிப்பிட்டுள்ளது. சந்தேகநபர்களை இன்று கடுவலை நீதவான் நீதிமன்றத்தில் ஆஜர்படுத்த நடவடிக்கை எடுக்கப்பட்டுள்ளது. சம்பவம் குறித்த மேலதிக விசாரணைகளை மிரிஹான பொலிஸார் மேற்கொண்டு வருகின்றனர். கடந்த ஏப்ரல் 13ம் திகதி கொதலாவல சந்தி பகுதியில் மோட்டார் சைக்கிளில் பயணித்த இருவர் மீது துப்பாக்கிப் பிரயோகம் மேற்கொள்ளப்பட்டது என்பது ... Read More »

மின் கம்பத்தில் ஏறிய இளைஞர்: விமானப் படைக்கு அழைப்பு – காரணம் காதலா?

பொலன்னறுவை – ஹிகுரான்கொட பகுதியில் உயரமான மின் கம்பம் ஒன்றில் ஏறி, போராட்டத்தில் ஈடுபட்டு வரும் நபரை, கீழே இறக்க விமானப் படையினரின் உதவி கோரப்பட்டுள்ளதாக, பொலிஸார் குறிப்பிட்டுள்ளனர். நேற்று பிற்பகல் முதல் குறித்த இளைஞர் இவ்வாறு போராட்டத்தை மேற்கொண்டு வருவதாக தெரியவந்துள்ளது. 22 வயதான இந்த நபர் பண்டாரவளை பகுதியைச் சேர்ந்த ஒருவர் என பொலிஸ் ஊடகப் பேச்சாளர் அலுவலகம் சுட்டிக்காட்டியுள்ளது. எதுஎவ்வாறு இருப்பினும், இவரது எதிர்ப்பு நடவடிக்கைக்கான காரணம் இதுவரை தெரியவரவில்லை என்பதோடு, காதலில் ஏற்பட்ட சிக்கலே இதற்கு காரணமாக இருக்கலாம் ... Read More »

Scroll To Top