செம போத ஆகாதே படத்தின் ரிலீஸ் தேதி அறிவிப்பு

சென்னை:
ஒத்தி…ஒத்தி வைச்சுக்கிட்டே போன அதர்வா படத்தின் ரிலீஸ் தேதி உறுதியாகி உள்ளது.

பத்ரி வெங்கடேஷ் இயக்கத்தில் அதர்வா நடிப்பில் உருவாகியுள்ள செம போத ஆகாதே படத்தின் புதிய ரிலீஸ் தேதி அறிவிக்கப்பட்டு உள்ளது.

பாணா காத்தாடி படத்துக்கு பிறகு பத்ரி வெங்கடேஷ்- அதர்வா இணையும் படம் செம போத ஆகாதே. இப்படத்தில், மிஸ்தி மற்றும் அனைக்கா என இரண்டு ஹீரோயின்கள் நடித்துள்ளனர். ஜான் விஜய், கருணாகரன், எம்.எஸ்.பாஸ்கர், மனோபாலா ஆகியோரும் நடித்துள்ளனர்

யுவன் சங்கர் ராஜா இசையமைத்துள்ளார். பிரவீன் கே.எல். எடிட் செய்துள்ளார். கிக்காஸ் எண்டெர்டெயின்மெண்ட் சார்பில் அதர்வாவே இந்தப் படத்தைத் தயாரித்துள்ளார்.

ஸ்ரீ தேனாண்டாள் ஸ்டூடியோ லிமிடெட் இந்த படத்தை வெளியிடுகிறது. கடந்த மே 18-ம் தேதி வெளியாக இருப்பதாக அறிவிக்கப்பட்டு, பின்னர் ரிலீஸ் தேதி ஒத்திவைக்கப்பட்டது. இந்நிலையில் இப்படம் வரும் ஜூன் 29ம் தேதி வெளியாக உள்ளதாக அதிகாரபூர்வமாக அறிவிக்கப்பட்டுள்ளது.

நன்றி- பத்மா மகன், திருச்சி

Sharing is caring!