தமிழ்ப்படம் – 2 விமர்சனம்

கதைக்காக ரூம் போட்டு யோசிக்காமல், ’சீன்’ பிடிக்க சொல்லி அசிஸ்டெண்ட் டைரக்டர்களை வாட்டி வதைக்காமல், ஏற்கனவே ’ஹிட்’ அடித்த படங்களை ’கலாய்த்து’ முழுப்படத்தையும் எடுப்பது என்பது நோகாமல் நொங்கு சாப்பிடுவதைப் போல தெரிந்தாலும், அது அவ்வளவு லேசுப்பட்ட காரியமில்லை! தமிழில் தறுமாறாக ஓடிய சில படங்களிலிருந்து சிலாகித்துப் பேசப்பட்ட ரொமான்ஸ், ஆக்‌ஷன், சென்டிமென்ட் போன்ற சீன்களை ஓட்டோ ஓட்டென ஓட்டி, கலாய்த்து கழுவி ஊத்தியதாலேயே ஓடிய ’தமிழ் படம்’ டீம், இந்த முறை சினிமாவோடு சேர்த்து, சில முக்கியமான அரசியல் நிகழ்வுகளையும் வைத்து ’அட்ராசிட்டி’ செய்து ’தமிழ் படம் 2’ திரைப் படத்தை உருவாக்கி யிருக்கிறது.

காவல்துறைக்கு சிம்ம சொப்பனமாக இருக்கும் பிரபல ’டான்’ சதீஷ் கொட்டத்தை அடக்குவதற்காக வருகிறார் துணை கமிஷனரான சிவா! இவர்கள் இருவருக்கும் இடையே நடக்கும் ஆடு புலி ஆட்டம் தான் கதையின் ஒன் லைன் ஸ்டோரி! கதையைப் பத்தியெல்லாம் கவலைப்படாமல், மரண கலாயை மட்டுமே மனதில் வைத்துக்கொண்டு தியேட்டருக்குள் வரும் ரசிகர்களை, கூடிய வரை ஏமாற்றாமல் சிரிக்க வைத்து அனுப்புகிறார் இயக்குநர் சி.எஸ்.அமுதன்!

Sharing is caring!