பார்ப்பவர்களை மயக்கும் கண் இமைகள் வேண்டுமா?

முகம் அழகாக எடுத்து காட்டுவதில் கண் இமைகளுக்கும் பெரிய பங்குண்டு.

பொதுவாக எல்லா பெண்களுக்குமே கண் இமைகள் அடர்த்தியாகவும் கவர்ச்சியாகவும் இருக்க வேண்டும் ஆசை காணப்படும்.

ஆனால் சிலருக்கு கண் இமைகள் ஓரளவிற்கு மேல் வளருவதில்லை. இதனால் கடைகளில் விற்கப்படும் செயற்கை கண் இமைகளை வாங்கி பயன்படுத்துண்டு.

இதனை தவிர்த்து விட்டு இயற்கை முறையில் கூட கண் இமைகளை வளர அடர்த்தியாக வளர செய்யலாம். தற்போது அந்த வழிமுறைகள் என்னென்ன என்பதை பார்ப்போம்.

  • விட்டமின் E காப்ஸ்யூல்களை எடுத்து அதில் இருந்து ஜெல் வடிவ மருந்தை எடுத்து, அதை ஒரு தேக்கரண்டி ஆமணக்கு எண்ணெயுடன் நன்கு கலக்கி, இதனை தினமும் இரவில் ஒரு சிறிய பஞ்சியில் நனைத்து, ஒரு சொட்டு விட்டு கண் இமை முடி மீது நன்கு தேய்க்க வேண்டும்.
  • ஒரு தேக்கரண்டி ஆலிவ் எண்ணெய் மற்றும் ஈமு எண்ணெய் ஆகியவற்றை எடுத்து நன்றாக கலந்து, அதை தினமும் இரவில் கண் இமை முடியின் மீது தடவி நன்கு மசாஜ் செய்ய வேண்டும். இதில் உள்ள இயற்கையான உயர் கொழுப்பு அமிலங்கள் கண் இமை முடியை வலுவாக்கி நன்கு வளரச் செய்கிறது.
  • சிறிய அளவிலான பெட்ரோலியம் ஜெல்லியை ஒரு பழைய சுத்தமான மஸ்காரா கோலில் எடுத்து தினமும் இரவில், தூங்குவதற்கு முன் கண் இமை முடிகளின் மீது நன்கு தடவ வேண்டும். இதனால் நன்கு அடர்த்தியான கண் இமை முடிகள் கிடைக்கும்.
  • விரல்களில் ஒரு சில துளிகள் ஆலிவ் எண்ணெய் எடுத்து, விரல் நுனி வைத்து சூடாகும் வரை நன்கு தேய்த்து, மென்மையாக 5 நிமிடங்கள் வரை வட்ட இயக்க வடிவில் விரலை வைத்து கண் இமைகளை மசாஜ் செய்ய வேண்டும்.
  • விளக்கெண்ணெய் 2 தேக்கரண்டி எடுத்து அதனுடன் 1 தேக்கரண்டி எலுமிச்சை துறுவலை நன்கு கலந்து, பின் இதை 48 மணி நேரம் ஊற வைத்து, பின் அந்த எண்ணெயை மட்டும் தனியாக எடுத்து, தினமும் இரவில் சில துளிகளை எடுத்து கண் இமை முடிகளின் மீது தடவி வர வேண்டும்.

Sharing is caring!