சாலை விதிகளை மீறினால் அபராத ரசீது வீட்டுக்கே வரும்

சென்னை:
சாலை விதிகளை மீறினால் இனி அபராதம் ரசீது வீட்டுக்கே  அனுப்பப்படும் என்று தெரிவிக்கப்பட்டுள்ளது.

போக்குவரத்து விதிமீறல்களை கட்டுப்படுத்த சென்னை பெருநகர காவல்துறை புதிய டிஜிட்டல் பயன்பாட்டை அறிமுகம் செய்துள்ளது.

போக்குவரத்து விதிகளை மீறி வாகன ஓட்டினால், அவரவர் வீடுகளுக்கே அபராத ரசீது அனுப்பும் நடவடிக்கை விரைவில் சென்னை முழுவதும் அமல்படுத்தப்படும் என பெருநகர காவல்துறை ஆணையர் ஏ.கே. விஸ்வநாதன் கூறினார்.

சென்னை புரசைவாக்கத்தில், ஆர்.சி.சி. அறக்கட்டளை சார்பாக அமைக்கப்பட்ட 384 சிசிடிவி கேமராக்களின் இயக்கத்தை ஆணையர் ஏ.கே. விஸ்வநாதன் தொடங்கி வைத்தார்.

இந்த நிகழ்ச்சியில் பேசிய அவர், சென்னையில் அனைத்து முக்கிய சாலைகளிலும் கண்காணிப்பு கேமராக்கள் அமைக்கப்பட்டு விட்டது. இதனால் போக்குவரத்து விதிமீறி வாகனம் ஓட்டுவோருக்கு ஆபத்து காத்திருக்கிறது.

போக்குவரத்து விதிகளை மீறி வாகன ஓட்டிகள் சென்றால், ஆட்டோமெடிக் நம்பர் ரெகக்னிசன் மூலம் அவர்கள் மீது நடவடிக்கை எடுக்கப்படும். வாகன எண் தெளிவாக குறிப்பிட்டுத் தரும் தொழில்நுட்பம் என்பதால், விதிகளை மீறி சாலையில் செல்வோரை ஓடிச் சென்று மடக்கிப் பிடிக்கத் தேவையில்லை.

மாறாக பதிவெண்ணில் உள்ள உரிமையாளரின் முகவரிக்கு சம்மன் அனுப்பப்பட்டு, அபராத ரசீதும் அனுப்பப்படும் வசதி விரைவில் நடைமுறைக்கு வர உள்ளது. இவ்வாறு அவர் தெரிவித்துள்ளார்.

முன்னதாக வணிக நிறுவனங்கள், குடியிருப்புக்கள், சாலைகளில் சிசிடிவி கேமராக்களை அமைக்கச் சென்னை காவல்துறை வலியுறுத்தியுள்ளது குறிப்பிடத்தக்கது.

நன்றிபத்மா மகன், திருச்சி

Sharing is caring!