நளினி கருணைக் கொலை செய்ய கோரியதற்கான காரணம்?

இந்தியாவின் முன்னாள் பிரதமர் ராஜீவ் காந்தி படுகொலை வழக்கில் குற்றம்சாட்டப்பட்டு 26 ஆண்டுகளாக சிறை தண்டனை அனுபவித்து வரும் நளினி, கருணைக்கொலை செய்ய கோரியதற்கான காரணத்தை வழக்கறிஞர் கூறியுள்ளார்.

ராஜீவ் காந்தி படுகொலை வழக்கில் குற்றம்சாட்டப்பட்டு சிறையில் அடைக்கப்பட்டுள்ள 7 பேரில் இருவரான நளினி ஸ்ரீஹரன் மற்றும் முருகன் ஆகியோர் சென்னை உயர் நீதிமன்றத்தில் கருணைக் கொலை கோரி மனு தாக்கல் செய்துள்ளனர்.

இந்த கடிதத்தை பிரதமர் நரேந்திர மோடி மற்றும் சென்னை உயர்நீதிமன்ற தலைமை நீதிபதி அம்ரேஷ்வர் பிரதாப் சாஹி ஆகியோருக்கு நவம்பர் 27 அன்று நளினி அனுப்பியிருந்தார்.

இந்த முடிவை எடுக்க தீவிர மன அழுத்தமே நளினியை தூண்டியுள்ளது என்று நளினியின் வழக்கறிஞர் புகழேந்தி கூறினார்.

சிறை அதிகாரிகள் மூலம் நளினி பிரதமர் அலுவலகத்திற்கு ஒரு கடிதம் அனுப்பியுள்ளார். அந்த கடிதத்தில், அவர் கருணைக் கொலையைக் கோரியுள்ளார்.

காரணம் 26 ஆண்டுகளில் அவர்கள் விடுவிக்கப்படுவார்கள் என்று நம்பினர், ஆனால் இப்போது அந்த நம்பிக்கை இழந்து வருகின்றனர்.

Sharing is caring!