ரயில்வே நிர்வாகத்தின் புதிய திட்டத்தால் பயணிகள் உற்சாகம்

புதுடில்லி:
புதிய திட்டம்… இனி பயணிகளுக்கு கொண்டாட்டம்தான் போங்க. ரயில்வே நிர்வாகம் அறிமுகப்படுத்தி உள்ள இந்த திட்டத்தால் மகிழ்ச்சி ஏற்பட்டுள்ளது.

ரயிலில் டிக்கெட் புக் செய்யும்போது வெயிட்டிங் லிஸ்ட்டில் இருப்போருக்கு உடனடியாக பெர்த் வழங்கும் புதிய திட்டத்தை ரயில்வே துறை அறிமுகப்படுத்தியுள்ளது.

கடைசி நேரங்களில் ரயில் பயணத்துக்கான டிக்கெட் முன்பதிவு செய்யும்போது சிலருக்கு வெயிட்டிங் லிஸ்ட்டில் வரும். வெயிட்டிங் லிஸ்ட்டில் இருப்பவர்களுக்கு முன்பதிவு செய்தவர்கள் யாரேனும் தங்கள் டிக்கெட்டை கேன்சல் செய்தால் பெர்த் வழங்கப்படும்.

இது RAC எனப்படும். (Reservation against Cancel). இந்த RAC டிக்கெட்களுக்கு பாதி பெர்த் வழங்கப்பட்டு வருகிறது. பயணம் செய்ய வேண்டிய பயணிகள் வரவில்லையென்றால்தான் முழு பெர்த் வழங்கப்படும்.

அதற்காக பயணம் செய்ய இருப்பவரின் ஸ்டேஷனில் இருந்து இரண்டு ஸ்டேஷன் வரை டி.டி.ஆர். காத்திருப்பார். ஆனால் தற்போது ரயில்வே துறை கொண்டு வந்துள்ள புதிய திட்டத்தின் படி டி.டி.ஆருக்கு கொடுக்கப்படும் மொபைல் போனில் கேன்சல் செய்யப்படும் டிக்கெட் விவரங்கள் உடனுக்குடன் தெரிவிக்கப்படும்.

இதனால் உடன் RAC டிக்கெட்டில் இருப்பவர்களுக்கு இனி  பெர்த் வசதி கிடைக்கும். இந்த திட்டம் பயணிகள் மத்தியில் மகிழ்ச்சியை ஏற்படுத்தி உள்ளது.

நன்றிபத்மா மகன், திருச்சி

Sharing is caring!