நடிகர் பார்த்திபன் செய்த அற்புத செயல்… பாராட்டிய விஷால்

சென்னை:
நடிகர் பார்த்திபனுக்கு புகழாரம் சூட்டியுள்ளார் நடிகர் விஷால். என்ன விஷயம் தெரியுங்களா?

தமிழ் சினிமாவில் வித்தியாசம் என்ற வார்த்தைக்கு மிகவும் பொருத்தமானவர் இயக்குனர் பார்த்திபன். நடிகராகவும், தயாரிப்பாளராகவும் இருக்கும் இவர் எந்த மேடைக்கு சென்றாலும் தனியாக தெரியும்படியாக பேசுவார்.

எப்போதும் வித்தியாசமான ஒரு பரிசை தான் யாருக்கும் தருவார். இவரை தயாரிப்பாளர் சங்க துணைத்தலைவராக சமீபத்தில் நியமித்தனர். இதையடுத்து இளையராஜா 75 விழாவுக்கு பல ஏற்பாடுகளை செய்தார்.

ஆனால் சில மனக்கசப்பால் அதிலிருந்து விலகினார். அந்த விழாவுக்கு கூட செல்லவில்லை. இந்நிலையில் விழாவை பற்றி விஷால் பத்திரிக்கையாளர்களிடம் கூறுகையில், பார்த்திபனின் பங்கு மிகப்பெரியது. அவர் புதிய வரலாற்றையே உருவாக்கிவிட்டார்.

ஏ.ஆர் ரஹ்மானையும், இளையராஜாவையும் ஒரே மேடையில் நிற்க வைத்த பெருமை அவருக்கு மட்டுமே உரியது. அம்பானி வீட்டு விழாவில் கூட இது சாத்தியமில்லாதது என்று கூறியுள்ளார்.

நன்றி: பத்மா மகன், திருச்சி.

Sharing is caring!