முதல்முறையாக சிக்ஸ் பேக்ஸ் வைத்துள்ள விஜய் ஆண்டனி

சென்னை:
`திமிரு புடிச்சவன்’ படத்திற்கு பிறகு காக்கி படத்தில் விஜய் ஆண்டனி போலீஸ் அதிகாரியாக நடிக்கிறார். இதற்காக முதல்முறையாக சிக்ஸ் பேக்ஸ் வைக்கிறார் என்பது குறிப்பிடத்தக்கது.

செந்தில் குமார் இயக்கத்தில் விஜய் ஆண்டனி – ஜெய், சத்யராஜ் நடிப்பில் உருவாகும் புதிய படத்திற்கு `காக்கி’ என்று தலைப்பு வைத்துள்ளனர். `திமிரு புடிச்சவன்’ படத்தை தொடர்ந்து விஜய் ஆண்டனி நடிப்பில் அடுத்ததாக `கொலைகாரன்’ படம் ரிலீசாக இருக்கிறது.

இவர் தற்போது, `அக்னிச் சிறகுகள்’, `தமிழரசன்’ உள்ளிட்ட படங்களில் நடித்து வருகிறார். மெட்ரோ பட இயக்குநர் ஆனந்த கிருஷ்ணன் இயக்கத்தில் அரசியல் சம்பந்தப்பட்ட படத்தில் நடிக்க ஒப்பந்தமாகி இருக்கிறார். இந்நிலையில் இவரது அடுத்த படம் பற்றிய அறிவிப்பு வெளியாகி இருக்கிறது.

வாய்மை படத்தை இயக்கிய ஏ.செந்தில் குமார் இயக்கும் இந்த படத்திற்கு `காக்கி’ என்று தலைப்பு வைத்துள்ளனர். படத்தின் பர்ஸ்ட் லுக் போஸ்டரில், யூனிபார்ம் போடலனாலும் நான் போலீஸ்தான் என் உடம்பே `காக்கி’ டா வாசகம் இடம்பெற்றிருக்கிறது.

இந்த படத்தில் விஜய் ஆண்டனியுடன் ஜெய், சத்யராஜ், ஈஸ்வரி ராவ் உள்ளிட்டோரும் முக்கிய கதாபாத்திரங்களில் நடிக்கின்றனர். `திமிரு புடிச்சவன்’ படத்திற்கு பிறகு இந்த படத்தில் விஜய் ஆண்டனி போலீஸ் அதிகாரியாக நடிக்கிறார். இந்த படத்திற்காக முதல்முறையாக சிக்ஸ் பேக்ஸ் வைக்கிறார் என்பது குறிப்பிடத்தக்கது.

நன்றி: பத்மா மகன், திருச்சி.

Sharing is caring!