ஆரோக்கியத்தை உயர்த்தும் கறிவேப்பிலை தோசை செய்முறை

ஆரோக்கிய்த்தை உயர்த்தும் கறிவேப்பிலை தோசை செய்து கொடுத்து உங்கள் குடும்பத்தினரை அசத்துங்கள்.

தேவையானவை:

பொன்னி அரிசி – 2 கப்
உளுந்து – அரை கப்
ஓமம் – அரை டீஸ்பூன்
கறிவேப்பிலை – 2 கப்
உப்பு – தேவையான அளவு
எண்ணெய் – தேவையான அளவு‌

செய்முறை: அரிசி மற்றும் உளுந்தைக் கழுவி தனித்தனியாக நான்கு முதல் ஐந்து மணி நேரம் ஊற வையுங்கள். கறிவேப்பிலையை நன்கு கழுவிக் கொள்ளுங்கள். உளுந்தையும் அரிசியையும் தனித்தனியாக தண்ணீர் விட்டு அரைத்து, இரண்டையும் ஒரு பெரிய பாத்திரத்தில் விட்டு உப்பு சேர்த்து கலந்து கொள்ளுங்கள்.

கறிவேப்பிலை, ஓமம் இரண்டையும் சேர்த்து மைய அரைத்து மாவோடு கலந்து கொள்ளுங்கள். இந்த மாவுக் கலவையை எட்டு முதல் பத்து மணி நேரம் மூடி புளிக்க விடுங்கள். தோசைக்கல்லில் எண்ணெய் விட்டு மாவு ஊற்றி தோசையாக வார்த்து, அதை ஒரு மூடியால் இரண்டு முதல் மூன்று நிமிட நேரம் வேக விடுங்கள். கிரிஸ்பியாக வெந்திருக்கும் இந்தத் தோசையை மறுபுறம் திருப்பி வேக வைக்க வேண்டும் என்பதில்லை. சட்னியோடு பரிமாறுங்கள். அருமையான சுவை மட்டுமின்றி ஆரோக்கியமும் நிறைந்தது.

Sharing is caring!