சுவையான தக்காளி ஊறுகாய் செய்முறை உங்களுக்காக!

தயிர் சாதம், சாம்பார் சாதம், தேங்காய் சாதம் என வெரைட்டி ரைஸ்க்கு சரியான சைட்டிஷ் என்றால் அது தக்காளி ஊறுகாய்தான். இதை சுவையான முறையில் செய்வது எப்படி என்று தெரிந்து கொள்ளுங்கள்.

தேவையான பொருட்கள்:

தக்காளி – 1/4 கிலோ
காய்ந்த மிளகாய் – 2
மிளகாய்த் தூள் – 2 டீஸ்பூன்
மஞ்சள் தூள் – 1/2 டீஸ்பூன்
தனியா தூள் – 3 டீஸ்பூன்
உப்பு – தேவையான அளவு
எண்ணெய் – 1 குழிக்கரண்டி
பெருங்காயம் – 1/2 டீஸ்பூன்
கறிவேப்பிலை – 1 கொத்து

செய்முறை: தக்காளியை வேகவைத்து நன்றாக மசித்துக் கொள்ளுங்கள். ஒரு வாணலியில் எண்ணெய் விட்டு காய்ந்ததும் கடுகு, காய்ந்த மிளகாய், கறிவேப்பிலை போட்டு தாளியுங்கள். பிறகு, இதில் மசித்த தக்காளியுடன், மஞ்சள் தூள், மிளகாய்த் தூள், தனியா தூள், உப்பு பெருங்காயம் போட்டு நன்றாக வதக்குங்கள்.

இந்தக் கலவை கொதித்து நன்றாக திக்காகி எண்ணெய் மிதந்து வரும் சமயத்தில் அடுப்பிலிருந்து இறக்குங்கள். இந்தக் தக்காளி ஊறுகாய் பத்து நாட்கள் வரை கெடாமல் இருக்கும்.

Sharing is caring!