சுவையான வேர்க்கடலை பொடிமாஸ் சாலட் செய்வது எப்படி ??

வேர்க்கடலையில் அதிகளவு சத்துக்கள் நிறைந்துள்ளது. இந்த பொடிமாஸை உணவிற்கு தொட்டுக்கொள்ளவும் செய்யலாம் சாலட் போன்றும் சாப்பிடலாம். இன்று இந்த ரெசிபி செய்முறையை பார்க்கலாம்.

தேவையான பொருட்கள்

வேர்க்கடலை – 2 கப்,
பச்சை மிளகாய் – 2,
கொத்தமல்லி, கறிவேப்பிலை – சிறிதளவு
இஞ்சி – சிறிய துண்டு,
எலுமிச்சைச் சாறு – 1 டீஸ்பூன்,
கடுகு – கால் டீஸ்பூன்,
பெருங்காயத்தூள் – அரை டீஸ்பூன்,
எண்ணெய் – அரை டீஸ்பூன்,
உப்பு – தேவையான அளவு.

செய்முறை

வேர்க்கடலையை வேக வைத்து கொள்ளவும்.

இஞ்சியை துருவிக்கொள்ளவும்.

ப.மிளகாய், கொத்தமல்லியை பொடியாக நறுக்கிகொள்ளவும்.

வேக வைத்த வேர்க் கடலையை மிக்ஸியில்போட்டு கொரகொரப்பாக பொடித்துக் கொள்ளவும்.

கடாயில் எண்ணெய் விட்டு, காய்ந்ததும் கடுகைப் போட்டு, வெடித்ததும் பச்சை மிளகாய், இஞ்சித் துருவல், பெருங்காயத்தூள், கறிவேப்பிலை போட்டு வதக்கவும்.

பின்னர் வேக வைத்து பொடித்த வேர்க்கடலை, உப்பு போட்டு, மூன்று நிமிடங்கள் கிளறவும்.

அடுப்பிலிருந்து இறக்கும்போது எலுமிச்சைச் சாறு, கொத்தமல்லி தூவி பரிமாறவும்.

சூப்பரான சத்தான வேர்க்கடலை பொடிமாஸ் சாலட் ரெடி.

Sharing is caring!