பெட்ரோல் மற்றும் டீசலின் விலை இன்று நள்ளிரவு முதல் 5 ரூபாவால் குறைக்கப்படவுள்ளது.

பெட்ரோலிய வளத்துறை அமைச்சர் காமினி லொக்குகே இன்று நடைபெற்ற ஊடகவியலாளர் சந்திப்பின் போது இதனைத் தெரிவித்தார்.

இதன் பிரகாரம், இன்று நள்ளிரவு முதல் ஒக்டேன் 92 ரக பெட்ரோல் 135 ரூபாவாகக் குறைக்கப்படவுள்ளதுடன்,
95 ரக பெட்ரோல் 159 ரூபாவாகக் குறைக்கப்படவுள்ளது.

அத்துடன், ஒரு லிட்டர் ஒட்டோ டீசல் 106 ரூபாவிற்கு விற்பனை செய்யப்படவுள்ளதுடன், ஒரு லிட்டர் சுப்பர் டீசல் 131 ரூபாவாகவும் குறைக்கப்படவுள்ளது.

எவ்வாறாயினும் , மண்ணெண்ணெய் விலையில் எந்த விதமான மாற்றமும் இல்லை என பெட்ரோலிய வளத்துறை அமைச்சர் காமினி லொக்குகே தெரிவித்தார்.