டெங்குவிற்கு முன்னும் பின்னும் செய்ய வேண்டியவை !

டெங்கு ஒரு உயிர் கொல்லி நோயாக கருதப்படுகிறது. கொசுக்களால் பரவக்கூடிய இந்த நோயிலிருந்து தப்பிக்க எந்தவிதமான முன் எச்சரிக்கை நடவடிக்கை குறித்து பார்க்கலாம்….

முதலில் கொசுக்  கடி மற்றும் பூச்சிக்  கடியிலிருந்து நம்மை பாதுகாத்து கொள்ள வேண்டும். வெளியில் செல்லும் பொழுது நீளமான உடைகளை உடல் முழுவதும் கவர் செய்யக்கூடிய உடைகளை அணிவது நல்லது.

பதிவு செய்யப்பட்ட மற்றும் நன்கு அறியப்பட்ட ஒரு கொசு விரட்டியைப் பயன்படுத்தலாம்.
அதிக கொசுக்கள் உள்ள பகுதியில்  கொசு வலையைப் பயன்படுத்தலாம்.

காலை மற்றும் மாலை நேரங்களில் வீட்டின்  ஜன்னல்கள் மற்றும் கதவுகள் மூடப்பட்டிருப்பதை உறுதிப்படுத்திக் கொள்ள வேண்டும்.

காலை மற்றும் மாலை  வேளைகளில்  நீர் தேங்கியுள்ள  கொசுக்கள் அதிகமாக இருக்கும் பகுதிகளுக்குச் செல்ல வேண்டாம்.

எப்போதெல்லாம்  காய்ச்சல் பாதிப்பிற்கு ஆளாக நேரிடுகிறதோ. அப்போதெல்லாம் கட்டாயம் மருத்துவரை அணுகு வேண்டும். மாறாக  சுய மருந்துகள் எவருக்கும் நிலைமையை மோசமாக்கும்.  மருத்துவருடன் சரியான நேரத்தில் கலந்தாலோசிப்பது நிலைமையை அச்சுறுத்தலாக மாற்றுவதைத் தடுக்க உதவும்.

Sharing is caring!