நாக தோஷம் நீக்கும் ஆவணி ஞாயிறு வழிபாடு!

தமிழ் மாதங்களில், ஒவ்வொன்றிலும், ஒரு கிழமை சிறப்பு வாய்ந்தது. ஆடி,தை மாதங்களில், வெள்ளி; ஆவணியில், ஞாயிறு; புரட்டாசியில் சனி; மாசியில், செவ்வாய்; கார்த்திகையில் திங்கள்  என கூறலாம்.

ஆவணி மாதம் வரும் ஞாயிற்றுக்கிழமைகளில்,  விரதம் இருப்பது,  மகத்துவம் வாய்ந்தது. ஆவணி மாதம் ஜோதிட சாஸ்திரப்படி சிம்ம மாதம் என அழைக்கப்படுகிறது.  சூரியன், சிம்ம ராசியில், இவ்வாறு அழைக்கப்படுகிறது.

சூரியனுக்கு சிம்ம ராசி,  பலமான வீடு. நமக்கு ஆத்மபலத்தைத் தருபவர் சூரியனே. எனவே தான் ஆவணி மாதத்தில், விநாயகர் அவதாரம், கிருஷ்ணாவதாரம் ஆகியன நிகழ்ந்தன.

திருமணம் ஆகாதவர்கள், புத்திர பாக்கியம் இல்லாதவர்கள்,  பித்ரு தோஷம் உள்ளவர்கள், கண் தொடர்பான பிரச்னை இருப்பவர்கள்,ஆவணி ஞாயிற்றுக்கிழமைகளில்  விரதம்  இருந்தால் சிறப்பான பலன் கிடைக்கும்.

தந்தை இல்லாதவர்கள், இந்த கிழமையில், சூரியனைத் தந்தையாக ஏற்றுக் கொண்டு, சூரியோதய வேளையில், கிழக்கு நோக்கி விழுந்து வணங்கி, சூரிய பகவானிடம் ஆசி பெற்றால், இரட்டிப்பு பலன்  கிடைக்கும்.

நாக தோஷம் கொண்டவர்கள்,பாம்பை கனவில் அடிக்கடி காண்பவர்கள்,பாம்பு தொல்லை இருப்பவர்கள், நாகநாதருக்கு பாலபிஷெகம் செய்யலாம்..
ஆவணி ஞாயிற்றுக்கிழமைகளில், காலை, 6 –7 மணிவரை, சூரிய ஹோரை இருக்கும்.
உடல் நலனுக்காக, சூர்ய நமஸ்காரம் பயிற்சி  மேற்கொள்பவர்கள்,  ஆவணி ஞாயிறன்று துவங்குவது, சிறப்பு வாய்ந்தது.
தமிழகத்தில், நாகர் கோவிலிலும், கேரளாவில், சில இடங்களிலும், பாம்பை மூலவராக கொண்ட கோவில்கள் உள்ளன. இங்கு, ஆவணி ஞாயிறன்று, நாகருக்கு பெண்கள் அபிஷேகம் செய்வது சிறப்பு வாய்ந்தது.
ஆவணி ஞாயிறன்று, ‘ஆதித்ய ஹிருதயம்’ துதி பாராயணம் செய்வது பெரும் பலனை தரும்.

Sharing is caring!