டொரண்டோ மாஸ்டர்ஸ் 3-வது சுற்றில் நடால், ஜோகோவிச்

டொரண்டோ மாஸ்டர்ஸ் டென்னிஸ் போட்டியின் மூன்றாவது சுற்றுக்கு ரஃபேல் நடால், நோவக் ஜோகோவிச் முன்னேறியுள்ளனர்.

டொரண்டோவில் கனடா ஓபன் டென்னிஸ் போட்டி நடைபெற்று வருகிறது. இதன் ஆடவர் ஒற்றையர் பிரிவில், 9ம் இடம் வகிக்கும் செர்பியாவின் ஜோகோவிச் 6-3, 6-4 என்ற நேர்செட் கணக்கில் 121ம் இடத்தில் இருக்கும் பீட்டர் பொலன்ஸ்கியை வீழ்த்தினார். நாளை நடக்கும் மூன்றாவது சுற்றில் ஜோகோவிச், கிரீக் வீரர் ஸ்டெபானோஸை எதிர்கொள்கிறார்.

மற்றொரு போட்டியில் நம்பர் ஒன் வீரர் ஸ்பெயினின் நடால், 6-2 6-3 என்ற நேர்செட்களில் பிரெஞ்சு வீரர் பெனாய்ட் பைரேவை தோற்கடித்தார். 3-வது சுற்றில் நடால், ஸ்விட்சர்லாந்தின் ஸ்டான் வாவ்ரிங்காவுடன் மோதுகிறார்.

டெல் போட்ரோ காயம் காரணமாக இரண்டாவது சுற்றிலேயே, தொடரில் இருந்து விலகுவதாக அறிவித்தார்.

மகளிர் பிரிவில் 3-வது சுற்றுக்கு, மரியா ஷரபோவா, கரோலின் கார்சியா, எலினா ஸ்விடோலினா, அசரென்கா ஆகியோர் முன்னேறினர்.

Sharing is caring!