பிரெஞ்சு ஓபன் டென்னிஸ் – மெட்வதேவ், சிட்சிபாஸ் 4-வது சுற்றுக்கு தகுதி

6-வது வரிசையில் உள்ள அலெக்சாண்டர் சுவரேவ் (ஜெர்மனி) 22-ம் நிலை வீரரான கிறிஸ்டியன் கேரின் (சிலி), நிஷிகோரி (ஜபார்) ஆகியோர் வென்று 4-வது சுற்றுக்கு தகுதி பெற்றனர்.

கிராண்ட் சிலாம் போட்டிகளில் ஒன்றான பிரெஞ்சு ஓபன் டென்னிஸ் போட்டி பாரீஸ் நகரில் நடைபெற்று வருகிறது.

உலகின் 5-ம் நிலை வீரரான ஸ்டெபான் சிட்சிபாஸ் (கிரீஸ்) 4-வது சுற்று ஆட்டத்தில் 31-வது இடத்தில் உள்ள ஜான் இஸ்னரை (அமெரிக்கா) எதிர்கொண்டார்.

இதில் சிட்சிபாஸ் 5-7, 6-3, 7-6 (7-3), 6-1 என்ற செட் கணக்கில் வென்று 4-வது சுற்றுக்கு தகுதி பெற்றார். இந்த வெற்றியை பெற அவருக்கு 2 மணி 38 நிமிட நேரம் தேவைப்பட்டது.

சிட்சிபாஸ் 4-வது சுற்றில் ஸ்பெயினை சேர்ந்த 12-வது வரிசையில் உள்ள பஸ்டாவை சந்திக்கிறார்.

பஸ்டா 3-வது சுற்றில் 6-4, 6-4, 6-2 என்ற நேர் செட் கணக்கில் அமெரிக்காவை சேர்ந்த ஸ்டீவ் ஜான்சனை தோற்கடித்தார்.

உலகின் 2-ம் நிலை வீரரான டேனில் மெட்வ தேவ் (ரஷியா), 3-வது சுற்றில் அமெரிக்காவை சேர்ந்த ஒபல்காவை எதிர் கொண்டார். இதில் மெட்வதேவ் 6-4, 6-2, 6-4 என்ற நேர் செட் கணக்கில் வென்றார்.

மற்ற ஆட்டங்களில் 6-வது வரிசையில் உள்ள அலெக்சாண்டர் சுவரேவ் (ஜெர்மனி) 22-ம் நிலை வீரரான கிறிஸ்டியன் கேரின் (சிலி), நிஷிகோரி (ஜபார்) ஆகியோர் வென்று 4-வது சுற்றுக்கு தகுதி பெற்றனர்.

27-வது வரிசையில் உள்ள இத்தாலி வீரர் பேபியோ போக்னி 3-வது சுற்றில் அதிர்ச்சிகரமாக தோற்றார்.

பெண்கள் பிரிவில் 7-வது வரிசையில் உள்ள செரீனா வில்லியம்ஸ் (அமெரிக்கா), விக்டோரியா அசரென்கா (பெலாரஸ்), எலினா ரைபகினா (கஜகஸ்தான்) ஆகியோர் வெற்றி பெற்று 4-வது சுற்றுக்கு தகுதி பெற்றனர்.

Sharing is caring!